Dedim
Dolama yollarla çıxanda atım,Könlüm tək açıldı qolum-qanadım,Tutanda meşəni şirin bayatım,Səsimə səs versin bülbüllər, dedim.
Donu gül-çiçəkdir dağın, dərənin,Şairi bülbüldür bu mənzərənin.Gözəllər məskəni Gözəl dərənin,Şəninə şeirlər, qəzəllər, dedim.
Çiçəkli döşündə yaşıl bir dağın,Ləzzəti ayrıdır çadır qurmağın.Yazları üstünə Dürrü bulağın,Gəlsin bölük-bölük gözəllər, dedim.
Təbiət! Zəngindir – rəngin, naxışın;Həm yazın gözəldir sənin, həm qışın.Düzülsün əlilə dostun, tanışın,Məzarın üstünə o güllər, dedim.
Bir gün Çənbərəkdən çıxdım səhərdən,Keçdim at belində Basarkeçərdən.“Dağlar mahnısı”nı oxusun hərdən,Bizim obalar, bu ellər! – dedim.
Dinlədim çayların zümzüməsini,Onların səsinə qatdım səsimi,Dağların döşündə qalan izimi,Tapacaq bir zaman nəsillər, dedim.Çənbərək-Qazax, 1964
Kitabxana.az · https://kitabxana.az/en/works/osman-sarivelli-dedim
Use ← → keys to move, R for a random poem
More by this author
Poems by other poets · Nature and spring
Bahar oldu, qurı çaylar daşalı,Sökuldu könlümün bəndi, neylim.
Yaylaq yolunaGözlərimlə yoxuşları biçərdim,Diş töksə də çurçurundan içərdim.
Gülüstan xar olubdur bana sənsizGülüstan xar olubdur bana sənsiz,Genişlik dar olubdur bana sənsiz,
Açıq məktubƏziz ata, bilməz igid oğullar,Şallax nədir, zindan nədir, dar nədir!?