Çeşmin keşiyində səf-səf dayanmış,Əlləri nizəli qoşuna qurban!Mənim şikayətim gözlərindədir,Kirpiyinə qurban, qaşına qurban!

Söylə, görməyəli üzün üzümü,Eşqin, məhəbbətin odu söndümü?Çırpınan ürəyin daşa döndümü?Qoy dönsün, qəlbinin daşına qurban!

Sən qədəm basanda eşqin bağına,Sarılıq çökməsin al yanağına.Görürəm, şeh düşüb gül yarpağına,Ağlama, gözünün yaşına qurban!..

Use ← → keys to move, R for a random poem

Random poem

More by this author

Poems by other poets