Xəcalət
Toy da mənimkidir, yas da mənimki,Ölən də mənimdir, qalan da mənim.Zil də mənimkidir, pəs də mənimkiQanmaz da mənimdir, qanan da mənim.Bu bərli-bəzəkli gəlin otağı,
O yanıb kül olmuş otaq da mənim,O kömürə dönmüş körpə qundağı,Bu kukla - gəlincik uşaq da mənim.
Bir maşın rəngbərəng lent ilə əlvan,Bir maşın güllədən deşmə-deşmədir.Birində fışqırır qırmızı şampan...Birində qızıl qan çeşmə-çeşmədir.
Ərənlərim gedir, ərlərim ötür.Qara xəbər gəlir hər axşam çağı.Zurna-qavalına millətlər gülür,Bəs necə götürüm mən bu danlağı?!
Nə olar, eybi yox, toyun mübarək!Qırx bir qırx beşdə də toylar çalıblar.Ancaq xısın-xısın qan-yaş tökərəkNakam uşaqları yada salıblar.
Toyu ləngitmək də günahdır, bəli,Bu da el sözüdür, el məsləhəti.Bəs sən şəhər boyu siqnal verəli -
Bəs mən hara yazım bu xəcaləti?!
Haranın külünü töküm başıma?Sən də mənimkisən, ay başa bəla!Yalan xeyir-dua gəlmir xoşumaƏllərim gicişir vallah, az qala...
Axı necə yatsın canıma bu toy?Arsız hay-həşirin çəkir mənə dağ.Yə’ni heç yadına düşmür goranboy?Yə’ni heç vecinə gəlmir Qarabağ?!
Qeyrətə çağırır Şuşa ceyranı,Çağırır yaralı-yaralı səni.Çağırır axdıqca gözünün qanı,Bu gün Qarabağın maralı səni.
Bir maşın rəngbərəng lent ilə əlvan...Bir maşın güllədən deşmə-deşmədir...Birində fışqırır qırmızı şampan...Birində qızıl qan çeşmə-çeşmədir.
1 oktyabr, 1991.
Kitabxana.az · https://kitabxana.az/en/works/qabil-xecalet
Use ← → keys to move, R for a random poem
More by this author
Poems by other poets · Homeland
Əziz vətənim,sevdalı diyar,
BəstiGəlməyib bərabərin küllühüm, cahana, Bəsti!Ləblərini bənzətmişəm gülə, ireyhana, Bəsti!
AyrılıqMən saralıb sollam qərib ellərdə,Sözüm dastan olar bütün dillerdə,
Tarixi-Cədidi QarabağMİRZƏ RƏHİM FƏNAMirzə Rəhim Fəna (1841-1929) Azərbaycanın tanınmış şairi və ictimai xadimlərindən biridir. Xan qızı adı ilə məşhur olan Xurşidbanu Natəvanın yanında xidmət etmişdir. 1864-cü ildə Mirzə Rəhim Fənanın təşəbbüsü ilə Şuşada "Məclisi-üns" ədəbi məclisi yaradılmışdır. Sonralar da o, məclisin rəhbərlərindən biri olmuşdur. "Məclisi-üns" haqqında dəyərli xatirələri ikicildlik "Azərbaycan ədəbiyyatı" əsərində əlavə şəklində çap edilmişdir. Şeirlərindən nümunələr inqilabdan əvvəlki dövri mətbuatda: "Təzkireyinəvvab", "Riyazül aşiqeyn" əsərlərində çap olunmuşdur. Tarixə və ədəbiyyata geniş marağı olan Mirzə Rəhim Fənanın "Tarixi-cədidi Qarabağ" əsərindən yalnız bəzi fraqmentlər mühafizə edilmişdir ki, oxuculara təqdim olunur. Əsərin ərəb əlifbasından transliteriyasını Arif Ramazanov etmişdir.