Bu
Dedim: dilbər, getmə bir dəm danışaq,Dedi: sözün yoxdur, bəhanədir bu!Dedim: bir nəzər qıl aşiq halına,Dedi: əcəb dəli, divanədir bu.
Dedim: ey vay, halım yaman olubdur,Dedi: qəmdən belim kaman olubdur,Dedim: vallah sənə meydan olubdur,Dedi: mən bilmənəm xəzanədir bu!
Dedim: qoy gözümə qıvrım tellərin,Dedi: lazım deyil vəhşi güllərin,Dedim: sən bizimsən, biz də ellərin,Dedi: çəkin burdan, biganədir bu!
Dedim: sənə aşıq olan can budur,Dedi: sənin eşqin axar bir sudur,Dedim: cavan ömrüm çürüyüb gedir,Dedi: əbəs sözdür, əfsanədir bu!
Dedim: mən Qurbanam yarın adına,Dedi: elə sənsən düşən yadına,Dedim: mən ha yandım eşqin oduna,Dedi: şəmə yanan pərvanədir bu!
Kitabxana.az · https://kitabxana.az/en/works/qurbani-bu
Use ← → keys to move, R for a random poem
More by this author
Poems by other poets · Love
Ey nəzakət çəməni içrə xuraman Süsəni,Xublıq kişvərinin təxtinə sultan Süsəni,
Dilbəra, dərdi-dilimdən belə ünvan etdimDilbəra, dərdi-dilimdən belə ünvan etdimKi, qəmi-hicrdə dil mülkünü viran etdim.
Nəyimə gərəkdirDindirmirsən, könül bağı xəzandır,Bülbül küsən bağ nəyimə gərəkdir?
Bir nigarı istərəm aləmlərin əlasıdırBir nigarı istərəm aləmlərin əlasıdır,Ruzgarın bağı içrə novgüli-rənasıdır,