Bənövşə nənə
Ağlama, Bənövşə nənə,Axı nə var, ağlamalı?Sovqat yolla beş nəvənəDüyünçəli, bağlamalı.
Kim gözlədi, kim unutdu,Kim bu dərdi xəbər aldı?Oğulları dava uddu,Nəvələri şəhər aldı.
Ağ saçları dərd eləməYaşıl-yaşıl otlar varsa.Göyü tutub dövrələməAğlayan buludlar varsa, -ağlama, Bənövşə nənə!..
Yazırsan, gözüm yoldadı,Yazırsan, boynum bükülü.Ot biçən əllər hardadı,Otlar saralır, tökülür.
Məktub yazmağa vaxt hanı,Hərdən özün yoxla bizi.
Saralıb-solan otlarınQarğışından saxla bizi, -ağlama, Bənövşə nənə!...
Qov başından fikirləri,Fikirdən beyin fırlanır.Qatarların təkərləriDünyadan yeyin fırlanır.
Nə yaxında, nə uzaqda,Elə bil ki, biçindəyik.Hələ "adam" olmasaq da,Qorxma, adam içindəyik, -ağlama, Bənövşə nənə!...
Kitabxana.az · https://kitabxana.az/en/works/ramiz-rovsen-benovse-nene
Use ← → keys to move, R for a random poem
More by this author
Vaxtsız ölən dostlarımın xatirəsinəGecənin tən yarısında
Yüz yol ah çək, dərd azalmazYüz yol ah çək, dərd azalmaz,Bir dərd yüz ahdan böyükdü,
Sənsən mənim solum-sağımSənsən mənim solum-sağım,Sənsən yaxınım-uzağım,
Görünmədin bir kimsəyəGörünmədin bir kimsəyə,Çətin mən də tapım səni.
Poems by other poets · Nature and spring
Xaliqi-ləmyəzəl edəydi imdad,Həsrət gözüm intizarı gələydi.
Saqi-nama, chapter 8بیا ساقی آن لاله باغ ذوقکه دارم ازو بر جگر داغ شوق
Qəzəl: Bəh, baharın yenə gəldi yelin həmhəməsiBəh, baharın yenə gəldi yelin həmhəməsiQış keçib getdi o qar və külək və dəmdəməsi
Könlümün türküsüKönlümün türküsü sənsiz olmaz,Gülşənimsən, çəmənimsən, gözəlim!