İntizarın üzdü, bir insaf eylə,Qıyma cavan ömrüm sola, ceyranım.Bağladın könlümü sən şirin dillə,Bəsdi, çəkmə məni ala, ceyranım.

Qaşların özündən sürməli imiş,Hüsnün nə əcəb görməli imiş.Gözlərinə ömür verməli imiş,Dodaqların bənzər bala, ceyranım.

Eşqindən dəliyəm, peymanın bumu?İzin ver boynuna salım qolumu.Təmiz ilqarına bağlı arzumu,Qoyma ürəyimdə qala, ceyranım.

Vurğunam ilk gündən ay camalına,Kimsə çata bilməz, yar kamalına.Yetir Məmmədhüseyni xoş vüsalına,Salma onu qilü-qala, ceyranım.

Use ← → keys to move, R for a random poem

Random poem

More by this author

Poems by other poets · Love