نه ظریف بیر گلین عزیزه سنیمنه لایق تاری یاراتمیشدی !

Nə zərif bir gəlin Əzizə səniMənə layiq Tanrı yaratmışdı!

بیر ظریف روحه بیر ظریف جسمیازدواج قدرتیله قاتمیشدی !!!

Bir zərif ruha bir zərif cismiİzdivac qüdrətilə qatmışdı!!!

عشقیمین بولبولی سنی دوتموشهرنه دونیاده گول وار ، آتمیشدی

Eşqimin bülbülü səni tutmuşHər nə dünyada gül var, atmışdı

سانکی دوستاق ایکن من آزاددیمائله عشقون منی یاهاتمیشدی !

Sanki dustaq ikən mən azaddımElə eşqin məni yahatmışdı!

سؤیدوگیم سانکی هم نفس اولالیقفسیمدن منی چیخارتمیشدی

Söydüyüm sanki həmnəfəs olalıQəfəsimdən məni çıxartmışdı

جنّت ائتمیش منیم جهنّمی مییانماسین یاخماسین آزاتمیشدی

Cənnət etmiş mənim cəhənnəmimiYanmasın, yaxmasın, azatmışdı

قاراگون قارقاسی قوناندا منیمآغ گونوم وارسادا قاراتمیشدی

Qaragün qarğası qonanda mənimAğ günüm varsa da, qaratmışdı

آدی باتمیش اجل گلنده بیزهمن آییم چیخدی گونده باتمیشدی

Adı batmış əcəl gələndə bizəMən ayım çıxdı, gündə batmışdı

سارالیب گون شافاخدا قان چناغینقورخودان تیتره ییب جالاتمیشدی

Saralıb gün şəfəqdə qan çanağınQorxudan titrəyib calatmışdı

قارا بایگوش چالاندا آغ قوشومیزعفران تک منی ساراتمیشدی

Qara bayquş çalanda ağ quşumuZəfəran tək məni saratmışdı

کور قضا ئوز یولون گئدن وقتهچاره نین یوللارین داراتمیشدی

Kor qəza öz yolun gedən vaxtaÇarənin yolların daratmışdı

نه قدر اوغدوم آچمادین گؤزیویگؤز سکوت ابدله یاتمیشدی

Nə qədər oğdum, açmadın gözünüGöz sükuti-əbədlə yatmışdı

او آلا گؤز اویانمادی کی منیمبختیمی مین کره اویاتمیشدی

O ala göz oyanmadı ki mənimBəxtimi min kərə oyatmışdı

داها کیپریکلرون اولوب نشتریارامین کؤزمه سین قاناتمیشدی

Daha kirpiklərin olub nəştərYaramın közməsin qanatmışdı

سن نه یاخشی ائشیتمدون بالالارآنا وای ناله سین اوجاتمیشدی

Sən nə yaxşı eşitmədin balalarAna vay-naləsin ucatmışdı

سنی وئردیم بهشت زهرایهمنه مولا الین اوزاتمیشدی

Səni verdim Behişti-ZəhrayaMənə Mövla əlin uzatmışdı

اورگی دوغرانان آنان مه له دیدونیا زهرین اونا یالاتمیشدی

Ürəyi doğranan ana mələdiDünya zəhrin ona yalatmışdı

سن باهار ائتدیگون چمنده خزانهرنه گول غونچه وار سوزاتمیشدی

Sən bahar etdiyin çəməndə xəzanHər nə gül-qönçə var, sozatmışdı

نه یامان یئرده کؤچدی کروانیمیز ؟نه یئیین یوک یاپین دا چاتمیشدی

Nə yaman yerdə köçdü karvanımız?Nə yeyin, yük yapın da çatmışdı

قیرخا سن یئتمه دون جاوان گئتدونمن گئدیدیم کی یئتدیم آتمیشدی

Qırxa sən yetmədin cavan getdinMən gedəydim ki yetdim atmışdı

قوجا وقتیمده بو قارا بختیممنی قول تک بلایه ساتمیشدی !!!

Qoca vaxtımda bu qara bəxtimMəni qul tək bəlaya satmışdı!!!

OriginalGanjoor (opens in a new tab)

NoteLatin-script text made for this site from the Arabic-script original as given here (Ganjoor), line by line, in modern Azerbaijani spelling; Tabriz dialect forms are kept. No printed Latin edition of this redaction was found (the texts on shahriyar.az differ). Not proofread against a print.

Suggest a translation

Use ← → keys to move, R for a random poem

Random poem

More by this author

Poems by other poets