نه ظریف بیر گلین عزیزه سنی
نه ظریف بیر گلین عزیزه سنیمنه لایق تاری یاراتمیشدی !
بیر ظریف روحه بیر ظریف جسمیازدواج قدرتیله قاتمیشدی !!!
عشقیمین بولبولی سنی دوتموشهرنه دونیاده گول وار ، آتمیشدی
سانکی دوستاق ایکن من آزاددیمائله عشقون منی یاهاتمیشدی !
سؤیدوگیم سانکی هم نفس اولالیقفسیمدن منی چیخارتمیشدی
جنّت ائتمیش منیم جهنّمی مییانماسین یاخماسین آزاتمیشدی
قاراگون قارقاسی قوناندا منیمآغ گونوم وارسادا قاراتمیشدی
آدی باتمیش اجل گلنده بیزهمن آییم چیخدی گونده باتمیشدی
سارالیب گون شافاخدا قان چناغینقورخودان تیتره ییب جالاتمیشدی
قارا بایگوش چالاندا آغ قوشومیزعفران تک منی ساراتمیشدی
کور قضا ئوز یولون گئدن وقتهچاره نین یوللارین داراتمیشدی
نه قدر اوغدوم آچمادین گؤزیویگؤز سکوت ابدله یاتمیشدی
او آلا گؤز اویانمادی کی منیمبختیمی مین کره اویاتمیشدی
داها کیپریکلرون اولوب نشتریارامین کؤزمه سین قاناتمیشدی
سن نه یاخشی ائشیتمدون بالالارآنا وای ناله سین اوجاتمیشدی
سنی وئردیم بهشت زهرایهمنه مولا الین اوزاتمیشدی
اورگی دوغرانان آنان مه له دیدونیا زهرین اونا یالاتمیشدی
سن باهار ائتدیگون چمنده خزانهرنه گول غونچه وار سوزاتمیشدی
نه یامان یئرده کؤچدی کروانیمیز ؟نه یئیین یوک یاپین دا چاتمیشدی
قیرخا سن یئتمه دون جاوان گئتدونمن گئدیدیم کی یئتدیم آتمیشدی
قوجا وقتیمده بو قارا بختیممنی قول تک بلایه ساتمیشدی !!!
Kitabxana.az · https://kitabxana.az/en/works/sehriyar-turkce-seir-27
Use ← → keys to move, R for a random poem
More by this author
Poems by other poets
Gənə yeni başdan dərdlərə düşdüm,Alışdım, dutuşdum, yandım, ağlaram,
SevdiyimEy ağalar, bir pünhani dərdim var,Möhtac oldum bir dərmana sevdiyim,
Qit'ə: Nazirə söylədim mənə şam gətirNazirə söylədim: mənə şam gətir,Dedi: vallah dolanmıram əlinki
BismillahQaşına yazılmış sətir bismillahHəbibin surəsi nəsrun minəllah