Haqqımda deyirlər, dili sərtəm, acıyam mən,Şöhrətlə işim yox, təzə şerin acıyam mən.

Az-çox biliyim varsa da azdır, yenə azdır,Son mənziləcən öyrədənin möhtacıyam mən.

Mən şerimə yad paltarı geydirmərəm əsla,Əllaməliyin düşməniyəm mən, qacıyam mən.

Gördüm gecə Leylanı, Füzulini yuxumda,Leyla dedi ki, şairə yalnız bacıyam mən.

Yaz şerini, tərifi qəbul etmə, Süleyman,Hər kim desə də, sən demə şerin tacıyam mən!

Use ← → keys to move, R for a random poem

Random poem

More by this author

Poems by other poets