Ey şux nazənin, nə gözəldir məlahətin!
Ey şux nazənin, nə gözəldir məlahətin!Heç kəs əsiri olmaya bir sən tək afətin!
Hər aşiqin ki, cənnəti görmək xəyalı var,Göstər cəmalını, gözəlim, var ləyaqətin.
Yarəb, bu məclis əhlini şad eylə hər zaman,Qəmdən xilas qıl, üzü gülsün cəmaətin.
Olsun həmişə eyş ilə işrətdə xəlqimiz,Qaldır, ilahi, şənini sən bu vilayətin!
Hər kəs öz rəfiqi ilə sakit əyləşib,Gülməkdədir şərafəti var bu ziyafətin.
Olsun o gün ki, toy eləyək nocavanlara,Şadlıqda keçsin, ey könül, əyyami-firqətin.
Əhli-riya behişti sevir, kuyi-yari biz,Bundan gözəl nə aləmi var baği-cənnətin?!
Bir yanda əhli-musiqi, bir yanda əhli-zövq;Ey xəlq, daimi yaşasın böylə adətin!
Vahid, vətən yolunda cəsarətlə şer yaz,Xəlqin yanında yüksələcəkdir şərafətin!
Kitabxana.az · https://kitabxana.az/en/works/vahid-ey-sux-nazenin-ne-gozeldir-melahetin
Use ← → keys to move, R for a random poem
More by this author
Bir büti-qönçə ləbin hicri edib bağrımı qan,Eylərəm bülbüli-şuridə kimi ahü fəğan.
Ey yıxan könlüm evin, qıl həzər əfğanımdan!Ey yıxan könlüm evin, qıl həzər əfğanımdan!Evin abad ola, əl çək dili-viranımdan.
Cuş edib seyli-qəm, əzbəs ki, aşıb başımdanCuş edib seyli-qəm, əzbəs ki, aşıb başımdan,Ol ki, vaqifdi, bilər halımı göz yaşımdan.
Vəfasızdır, könül, hər kim əsirgər canı canandanVəfasızdır, könül, hər kim əsirgər canı canandan,Gərək canan yolunda keçsin aşiq şövqlə candan.
Poems by other poets · Love
Sərsəri pərişlüm, qıyqac baxışlumMən sənə nə dedim, qız, qayıt indi
Gəraylı: Ala gözlü nazlı yardanAla gözlü nazlı yardanMən dönərəm, könül dönməz,
MənəmQanlı rəqib, nədir sözün bir qərəzAləm sənin olsun, nazlı yar mənəm
Gəraylı: Gəl ey bülbül, bahar keçdiGəl ey bülbül, bahar keçdi,Nə ağlarsan, nə sızlarsan,