Bizi mərdanə doğmuşdur təbiət ibtidasından,Ədunun qorxmarıq qanlar tökən növki-cidasından.

Ölüncə şikvəyə dil açmarıq ədayi-birəhmin,Əgər yüz yol kəsilsə başımız tiği-cəfasından.

Ədulər bağrını çatlatmışıq meydani-hərb içrə,Biz ol fatehlərik haqqın zəfərpərvər sədasından.

Şərari-tiğimizdən hər zaman düşmən fərar etmiş,Qaçar xəffaşi-bədtinət necə şəmsin ziyasından.

Şəhid olmaq fəqət hürriyyət uğrunda səadətdir,Əsarətlə həyatın bisəmər zövqü səfasından.

Sevərsək Gavətək azadəlik, məzlumi-dünyanıXilas etmək gərək Zöhhakı-əsrin hər bəlasından.

Əgər məzlumu qurtarmaqsa məqsəd zülmi-zalımdan,Gərək bilmərrə yıxmaq qəleyi-zülmü binasından.

Use ← → keys to move, R for a random poem

Random poem

More by this author

Poems by other poets