Könüllər qan olur sənsiz güli-həmrayə baxdıqda
Könüllər qan olur sənsiz güli-həmrayə baxdıqda,Gözəllər yad edər xurşidi-ruyin ayə baxdıqda.
Dəhanın gərçi söz yox, nöqteyi-elmi-müəmmadır,Vəli, bu barədə çox şərh var mənayə baxdıqda.
Gözümdə tifltək oynar dəmadəm əksi-ruxsarın,Xəyali-arizinlə hər zaman dəryayə baxdıqda.
Qiyamət macərasından məni qorxutma, ey zahid,Qiyamətdir mənə ol qaməti-rənayə baxdıqda.
Tapılmaz dəhrdə təşxis edən əlavü ədnani,Hərə öz fəhminə məğrurdur dünyaya baxdıqda.
Əgər gül ləblərin mey məclisində keçsə xatirdən,Əlimdə qan olur badəm meyi-minayə baxdıqda.
Fəzayi-eşqdə divanəlikdən başqa şey yoxdur,Birər əfsanədir Məcnun ilə Leylayə baxdıqda.
Mənim aşiqliyim Məcnundan artıqdır, bilir aləm,Onu yad eyləməz hər kim məni-rüsvayə baxdıqda.
Təbiətdə nə gizli sirlər var, indi zahirdir,Qalır heyrətdə insan hər büti-zibayə baxdıqda.
Səni gülzar içində gül görərkən yad edər ellər,Məni xatırlayarlar bülbüli-şeydayə baxdıqda.
Məhəbbətsiz, gözəlsiz gün keçirmək heç nədir, Vahid,Yenə sevmək, sevilmək yaxşıdır dünyaya baxdıqda.
Kitabxana.az · https://kitabxana.az/en/works/vahid-konuller-qan-olur-sensiz-guli-hemraye-baxdiqda
Use ← → keys to move, R for a random poem
More by this author
Daim cəmali-dilbərə məftun gözilə bax,Eşq aləmində Leyliyə Məcnun gözilə bax!
O vəfasız mənə bundan sonra yar olma, dediO vəfasız mənə bundan sonra yar olma, dedi,Sevmə hər bir gözəli, aşiqi-zar olma, dedi.
O bivəfa mənim istəkli yarım onda idiO bivəfa mənim istəkli yarım onda idi,Əsiri bir mən idim, ixtiyarım onda idi.
Canandı, bir də mən, gecə on bir tamam idiCanandı, bir də mən, gecə on bir tamam idi,Gizli deyib danışmağa əsli məqam idi.
Poems by other poets · Wine and the tavern
Döndü murad üzrə fələkDövran bizimdir bu gecə
Yıxdılar aşiqlərin qəlbi kimi meyxanəniYıxdılar aşiqlərin qəlbi kimi meyxanəni,Bivəfalar əhdi tək sındırdılar peymanəni.
Ah ki, o itmiş gözəldən pirəhən peyda deyilAh ki, o itmiş gözəldən pirəhən peyda deyil,Pirəhən yox, bəlkə bir beytül-həzən peyda deyil,
Seyr edin, gərdəni minaya baxınSeyr edin, gərdəni minaya baxın,Sərimi saldı nə sevdaya baxın.