Ey zülfü siyəh, sinəsi əbyəz, gözü alə
Ey zülfü siyəh, sinəsi əbyəz, gözü alə,Nə türfə cavansan!Ağzın kimi yox qönçə, yanağın kimi lalə,Gülzari-cinansan!Görsə üzünü məh yetər, əlbəttə, zəvalə,Xurşidi-cahansan!Heç bəndə sənə olmaya, yarəb ki, həvalə,Sən afəti-cansan!Söz yox ki, bu zənəxdanəvü ruxə, xətü xalə,Xubluqda əyansan!
Dibaçeyi-lövhi-qələmə katibi-qüdrətYazmış səni əvvəl.Heç adəmə üz verməmiş əsla belə surət,Pürzinətü seyğəl,Zülfün sözü hər nüsxədədir, ey pəri tələt,Bir şərhi-mütəvvəl.Göydə yetirir müttəsil ayə, günə, xiclət,Hüsnündəki məşəl.Müjganın urar tənə oxun göydə hilalə,Xub qaşı kamansan!
Rəftari-qədin eylədi sayə kimi pamalŞümşadı çəməndə.Qan ağladır ol qönçeyi-xəndani məhü sal,Ləlindəki xəndə.Sultani-cahan sərvərisən – sahibi-iqbal,Aləm sənə bəndə,Göftarın edər tutiyi-şəkkərşikəni lal,Hər nitqə gələndə.Sən Xosrov olubsan, vəli, hər şəhd məqaləŞirini-zəmansan!
Sənsən, sənəma, cümleyi-xubanə şəhənşah,Yox sən kimi dilbər.Bərqi-üfüqündən ki, üzün bir çıxa nagah,Xurşidə bərabər,Salır özünü ziri-niqabə şəfəqü məh,Manəndeyi-əxtər.Insan ola bilməz bu sifət pak, münəzzəh,Cəm olsa sərasər,Sən cinsi-mələksən yetişibsən bu kəmalə,Ya ruhi-rəvansan?İsna əşərə çakəri-kəmtər ola Vaqif,Sərdaridir əla,Xaki-dəri-evladi-peyəmbər ola Vaqif,Neylər dəxi dünya?Ol gündə ki, həngameyi-məhşər ola Vaqif,Tut daməni-mövla,Fəryadrəsin Heydəri-səfdər ola, Vaqif,Xof eyləmə əsla!Sən qərqsən hərçənd ki, dəryayi-vəbalə,Tövfiq bularsan.
Kitabxana.az · https://kitabxana.az/en/works/vaqif-ey-zulfu-siyeh-sinesi-ebyez-gozu-ale
Use ← → keys to move, R for a random poem
More by this author
Poems by other poets
Möhnətindən daima halım pərişandır, fələk!Dəmbədəm aləm ləbindən içdiyim qandır, fələk!
Qadın ürəyiNecə rəhmlidir, necə amansız,Necə mehribandır qadın ürəyi!
TəcnisMüshəf cəmalından yay qaşlarındanOxudum bir kəlmə ayə, mən dilbər,
EyləmisənMolla əmi, gecənin bu vaxtındaNə əcəb bizləri yad eyləmisən.