Yenə qılıncını çəkdi üstüməQurbanı olduğum o ala gözlər.Yenə cəllad olub durdu qəsdiməQələm qaş altında piyalə gözlər.

Başımdan getmişdi sevdanın qəmi,Xəyalım gəzirdi bütün aləmi.Bu dustaq könlümü, deyin yenəmiÇəkdiniz sorğuya, suala, gözlər?

Sevda yolçusuyam əzəl yaşımdan,Könlüm ayrı gəzir can sirdaşımdan;Dağıdır huşumu alır başımdanSüzülüb gedəndə xəyala gözlər.

Gərdənin minadır, boyun tamaşa,Ay da həsəd çəkir o qələm qaşa.Bir cüt ulduz kimi verib baş-başaYanıb şölə salır, camala gözlər.

Mənim sevgilimdir o gözəl pəri,Qoy üzə vurmasın keçən günləri.Mən qədir bilənəm əzəldən bəri,Sizinlə yetmişəm kamala gözlər.

Cahanda hər hökmü bir zaman verir,Dünən dövran sürən bu gün can verir.İllər xəstəsiyəm yaram qan verir,Siz məni saldınız bu hala, gözlər.

Use ← → keys to move, R for a random poem

Random poem

More by this author

Poems by other poets