Arvadını boşayan kişi
Bir gün birisi Molla Nəsrəddinin yanına gəlir ki:
– Molla, gəlmişəm mənim arvadımı məndən boşayasan.
Molla deyir:
– Baş üstə!
Durub kağız-qələmini gətirir, oturub soruşur:
– Arvadının adı nədi?
Kişi ha çalışır, arvadının adını yadına sala bilmir. Axırda deyir:
– Bilmirəm.
Molla soruşur:
– Yaxşı, neçə yaşındadı?
Kişi ha gözlərini döyür, ha fikirləşir, bunu da yadına sala bilmir.
Axırda deyir:
– Vallah, bunu da bilmirəm.
Molla soruşur:
– Yaxşı haralıdır?
Kişi deyir:
– Molla,vallah, bunu da yaxşı bilmirəm.
Molla kağız-qələmi yerinə qoyub deyir:
– Bu məhəbbət ki, sizin aranızda var, elə Allah özü arvadı səndən
boşayıb da... Daha mənim yanıma niyə gəlibsən?
Kitabxana.az · https://kitabxana.az/en/works/xalq-arvadini-bosayan-kisi
Use ← → keys to move, R for a random poem
More by this author
Poems by other poets
Qəribə bir nəql eyləyim, ey cavan,Bir dəm eşit, mətləb olsun əyan
Maral gözlümAh çəkib qan yaş tökrəm,Səndən ötrü maral gözlüm,
Aşıq PəriyəAşıq Pəri, bir göftügu eşitdim,Namizəd olmusan bir şux oğlana.
Müəmma: Beş yaşından on beş raha yetişdimBeş yaşından on beş raha yetişdim,Beşi atdım, beşi tutdum, beşi nə?