Hərdən havalanıb eşqə düşəndə,Könül, ya kamanam, ya taram deyir.Süzülüb ən şirin duyğular kimi,Ellərin ruhuna yataram deyir.

Qoymaram arzunu, xəyalı darda,Gül-çiçək açaram boranda, qarda.Məndədi məclis də, toy da, mağar da,“Segah”am, “Şahnaz”am, “Qatar”am deyir.

Fikirlər beynində geyməsin qara,Zəlimxan, sən hara, yorulmaq hara.Uzaq mənzillərə, uzaq yollaraYeriyib, yüyürüb çataram deyir.

1975, 1 yanvar

Use ← → keys to move, R for a random poem

Random poem

More by this author

Poems by other poets · Nature and spring