Qələm nə söyləyir?
Eşit, millət, qələmdən bir hekayət,Cidalıqdan qılır çox-çox şikayət.
Oxur lə'nət şiqaqü iftiraqə,Edir nifrin ərbabi-nifaqə.
Gəlin tövhidə, ey millət, amandır,Nifaq isə böyük bir xəsmi-candır.
Olaq hər bir xeyirli işdə sai,Tərəqqiyçin qılaq sərfi-məsai.
Edib qeyrət açaq ali məkatib,Edək bu yolda ehrazi-məratib.
Mükəmməl mədrəsə, şanlı vəsailQılıb tə'sis edək kəsbi-fəzail.
Mənafebəxş əsbabi-təali,Olur bunlarla qədri-millət ali.
Mükəmməl məktəbə hər kəssə malik,Səadət rahinə olmuş o salik.
Bu iş vabəstədir həp ittihadə,Deyil vabəstə əğrazü inadə.
Olur tövhid ilə hər müşkül asan,Bulur vəhdətlə rövnəq baği-imkan.
Açılmışdır səbahi-elmü hikmət,Usan, bəsdir, yetər xabi-kəsalət!
Açın bir çeşm, ey zülmətpəsəndan!Məgər bir zərrə yoxdur sizdə iz'an?
Doğubdur afitabi-sübhi-vəhdət,Cahanə nəşr edir feyzi-hidayət
Usanınz! Tabəkey bu lə'bbazi?Səmərbəxşa deyil elmi-məcazi.
Nəticə verməz əşkalın əqimdir,Səhih zənn etmə, bürhanın səqimdir.
Fəqih oldun, hanı irşadın, ustad?Həkim oldun, nə alət etdin icad?
Kimə bəxş eylədin bir həbbə irfan,Acıqlanma, əlində varmı bürhan?
Nə səmtə millətı irşad qıldın?Bölüb min parçaya bərbad qıldın.
Hərənin var əlində bir “atistad”,Əlindən bunların min dadü fəryad!
Bunlar qüttai-mə'nəvidir,Bütün amali-nəfsin peyrəvidir.
Əfəndim, bəs deyilmi xabi-qəflət?Əcanibdən alın bir dərsi-ibrət.
Eşitmirsizmi əhrarın sədasın?Nidayi-dilrubayi-xoşədasın?
Səbahi-intibahü mə'rifətdir,Ayılmaq, millət, eyni-məsləhətdir.
Gərək kəsb eyləyək elmi-lədünni,Bizə lazım deyil elmi-tədənni.
Gərəkdir əldə olsun toxmü danə,Saçılsın toxmi-danə toxmdanə.
Bədən elmilə təhsil et hübubat,Əkingahi-cəhanə sonra toxm at.
Gər əldə olmaz isə toxmü danə,Nə saçmaqlıq dilərsin toxmdanə?
Toxumsuz, danəsiz bitməz sənabil,Vəsailsiz deyil qabil fəzail.
Çalış dərdəst et əsbabü vəsail,Səbəblə şəxs olur amalə nail.
Tənakühsüz olarmı ya tənasül,Maarifsiz nə mümkündür təkamül?
Məkatib olmasa olmaz maarif,Maarif görməyən kəs olmaz arif.
Maarifsiz deyil mümkün məişət,Səfalətlə yaşar əhli-cəhalət.
Olub yekdil, qılaq bəzli-həmiyyət,Bu yolda göstərək hər dürlü qeyrət.
Cahanı titrədər tövhidi-millət,Qoparmazmı dağı olduqda himmət?
Yaşa, ey ittifaqi-millətəfruz!Yerə bat, ey nifaqi-xanimansuz!
Nə sünni-şiə var Quranımızda,Üxüvvət ləfzi var fürqanımızda.
Təsadüm eylədikcə əqlü fikrət,Təzahür eylər ənvari-həqiqət.
Olanda cift arayü xəyalat,Doğar bunlardan övladi-kəmalat.
Edib təşkil ali əncümənlər,Qonulsun saheyi-zikrə müxənlər.
Rücu etmək gərək əqli-səlimə,Olaq ləbbeykzən fikri-həkimə.
Edək hər bir sözü təslimi-vicdan,Məsalehmiz deyilmi, böylə ixvan!
Kənarə taşlayaq fikri-səqimi,Edək dərpiş rahi-müstəqimi.
Əmanət namı vermiş əqlə mövlə,Buna bürhandır “inna qərəzna”... ilax.
Əgər insan isən, etmə xəyanət,Gözəl saxla, əmanətdir, əmanət.
Kitabxana.az · https://kitabxana.az/ru/works/hadi-qelem-ne-soyleyir
Клавиши ← → для перехода, R — случайное стихотворение
Другие произведения автора
Nuhun nübüvvətin edər inkar əhli-cəhl,Gavə sitayiş etməyi ürfan hesab edər.
İlhami-XəyyamÖmər Xəyyam ki, mədəni və dühaşünas olan millətlərin tarixində, tarixi-ədəbiyyatında xeymezəni-əzəmət və ehtişam olmuşdur, Xəyyam zindənamdır, əbədhəyatdır, cavidani bir diriliyə malikdir...Şirvanın, o şəhri-viranın, o xaki-xüsrannişanın laqeyd və laübalı şairi, şairi-əzimüşşə'ni deyir ki:
Beşikdən məzara qədər bəşərin əhvalıBir xeyli zaman tifl yatar həbsi-şikəmdə,Ordan atılır dəhrə xilas olduğu dəmdə.
Aləmi-müsavatdanRuhülqüds təbiətimə*Ey təb'i-vəsi'im, səni sığdırmayır aləm,
Стихи других поэтов
Ustalar, qulaq verin, tərif edim baramanı,İbtida sərtu çıxmırhi dökürəm baramanı,
VarOl gündən lənət olsun şeytana,Ondan ötrü çoxlu fitnə-feli var,
UzaqSahiba, bir nəfərəm dövlətü izzətdən uzaq,Düşmüşəm şəhrdən avarə, vilayətdən uzaq.
Cığalı MüsəlləsDad əlindən sənin yaman həmsayəHaqq rəhmət eyləsin bədirnsayə