Samovar
Bir şux sənəm tərfəcə dilbərdi samovar,Bir qədi səhi sərvi-sənubərdi samovar,Hər məclis üçün zinət zivərdi samovar,Min xosrovi-Pərvizə bərabərdi samovar,Guya deyəsən Rumda qeysərdi samovar
Çox naküs biganələri elədi məşhur,Çox əcləf divanələri elədi məğrur,Çox xaneyi-viranələri elədi məmur,Çox aqil və fərzanələri elədi məqhur,Ev yıxmağa vallahi müqərrərdi samovar
Bir aşiq dilsuz olub canı şərdə,Can qoymadı məşuqi olan çay və şəkərdə,Çox yoxsulu mülyançı qılıb əhli-nəzərdə,Çox tacir və ərbabə verib tabi-zərərdə,Bir atəşi-eşq içrə səməndərdi samovar
Hər kim onu görsə düşər əlbəttə səcdə,Hər bəzmdə çün rəşk verir micməri-udə,Şaqqıldamağı şur salır çərxi-kəbudə,Əlqissə o hər evdə əgər gəlsə vücudə,Guya o evə şəmi-münəvvərdi samovar
Podnos və qaşıq, çaynik və fincani-mülləvvən,Hər bəzmdə çün rəşk verir micməri-udə,Cingıltısı sinəvalə olub bülbüli-gülşən,Çox kimsənə bilmərrə verib dövlətin əldən,Mehbubi gözəl gör necə dilbərdi samovar
Çox zövq və səfa andan alır məclis və məhfil,Aşüftə olub çəmxəminə çox mütəmməl,Çox fəqru-qəni ülfətinə bağladılar dil,Əhvalı təğyir tapıb oldu işi müşkül,Can almağa bilməm necə kafərdi samovar
Müflis olubın indi uzaxdan baxanım vay,Bir şahidən ötrü tökülən qan qusanım vay,Dörd aylığını çay dilində salanım vay,Haqq dost deyib Rum və Fərəngə qaçanım vay,Qaç başına daş salmağa istərdi samovar
Çoxları bu xətadidə çayın gördü xətasın,Əla və kasib şövqə gəlib qurdu əsasın,Fərhadə dönüb evlərinin yıxdı binasın,Pul tapmadı çoxları, çıxarıb satdı libasın,Təhqiqi budur bir büti-Azərdi samovar
Acı çaya naz ilə baxıb göz süzənim vay,Pürpəsqə içüb dişləyibən zək əzənim vay,Əfsürdə qalıb borclu əlindən çizənim vay,Avarə düşüb bisərü saman gəzənim vay,Bir dön dalı bax, gör nicə qaynardı samovar
Faiz, rövşi-xəlqə baxıb elə bir ibrət,Təşvişə düşüb qənd ü çaya salma ərədət,Bilmərrə üzüb əl, elə tərkini adət,Bir şux da var zövqü səfa həm dəxi ləzzət,Qəm günündə sənə mönüs yavərdi samovar
Kitabxana.az · https://kitabxana.az/ru/works/molla-ehmed-faiz-samovar
Клавиши ← → для перехода, R — случайное стихотворение
Другие произведения автора
Стихи других поэтов
Sallana-sallana gedən gözəl qız,Ay qız, bu güzarın bulağadırmı?
EyləməTutu quşu, gəl, Allahı sevirsən,Mənim sirrim xalqa bəyan eyləmə,
Beməxə (Fərsiz){| class="wikitable" style="font-size:1.0em; text-align: left;" width="80%"|-bgcolor="#D8BFD8"
GörmədimAşıq Sayad Nova, Aşıq Ələsgər,Aşıq Musa, Alı, Məmməd Söyün var,