Qayıtdın Kəbədən, Hacı, unutdun din və imanı,Buraxdın şahidi-üqbanı, tutdun xeyri-dünyanı

Nə evlər tişəyi-kilk, vəzarətlə xarab etdin,Salıb dəftərlərə cəm eylədin əfradi-tumanı

Hənaya adət etdin sən, tökub məzlumlar qanın,Tutar axır səni zalım yəqin məzlumlar qanı

Günəş tək batdılar çün bu Qaradağ içrə sərvərlər,Gəlib pərvazə xəffaş tək çökürdün xali meydanı

Ocağa kəc baxıb etdin xəyanət, ey sək məl'un,Ocağın kor olub olsun xəzan ömrün gülüstanı

Nə pəst dünsən, vurdun cahanı bir-birə yeksər,İnan, bir pərdə dəstgahın olur axır yəqin fani

Sənin tək bir Yüsvisü fi sudurin-nas yox hərgiz,Qoyubsan yarı yolda müxtəsər hər işdə şeytanı

Nəzirin yox fəsad, fitneyi-məkr və şərarətdə,Tutub əfal-əmalın ümumi İran-Turanı

Eşşək dəlləklər tək xayəmallıq oldu aləmdə,Verib rüşvət alırsan hər zaman bir təzə fərmanı

Həmişə kar-barın şeytənətdir xalq arasında,Gətirdin zarə, ey mərdud, hər əşraf-əyanı

Könüllər qanə döndü cövr zülmündən sənin, ey dun,Düşübsən elə bir dərdə ki yox aləmdə dərmanı

Dəlili-cövhəri-zati səxavətdir bu aləmdə,Dənilikdə nəzirin yox, tamahda Əş'əs sani

Düyüdən qeyri zərfkədə məsalih yox ziyafətdə,Uçub qumru qanadilə pilovun göyü biryanı

Evində nemət-i-əlvanə meylin yox dənaətdən,Sevər kəşk ilə səfrayi-mizacın misli-buranı

Yüzünə ilişib gərd kədürət, bəs ki, ey ədbar,Edərlər xalq nifrət mürdəşir tək səndən, ey pani

Həmişə könlüm istər kim vücudun çərx edə mə'dum,Sənin yadınla məmlu etmişəm mən taqi-nisyanı

Nədəndir kim həmişə bilmənəm bu çərxi-dunpərvər,Salıb meydanə hərdəm bir sənin tək dəb nadanı

Öz əmali-bədin katibləri tək namələr üzrəOlunmaz aşikarə xeyr sözü kilkindən, ey zani

İki pul versələr rüşvət dakarsan tak ərini, billah,Olursan iki qat görsən əgər ümmali-divani

Qaradır qəlbi-napakın kömürdən neftdən bədtər,Əgərçə zahirindir sübhi-kazib kimi nurani

Siçanı ovlamaqda gürbə tək aslana bənzərsən,Vəli aslan məsafində siçansan, etmə cövlanı

Əgər zahirdə bir əfi ilan tək nərm və rəngin sən,Vəli batində sən purzəhr, çün sənin süleymani

Atan kimdir, ananın kimdir, özün kimsən, qürur etmə,Yerində otur, ey əhməq, utan, bir həddini tanı

Bular bir qətrədir əmvaci-bəhri-bədfə'alından,Yəqin kim əksik etməz olmasa bir qətrə dəryanı

Nə dinin var, nə imanın, yəqin kafirsən, ey bədbəxt,Tutub küfrün sədası sərbəsər Qəzvin və Təhranı

Şəhi-şəhzadəni, Mirzə Bəzürgü salmısan əldən,Gəhi Kasinə, Əşkəbiz, gəhi Yaylaq-Ucanı

Qavaradır sənə daim cəhənnəm atəşi olsun,Ənis-mu'nis əqrəblər ola Qütün səqrani

Olur övqat zaye, Mühtərəm, piçidə çox olma,Həmin bəsdir, əbəs kənd etmə bu kilki-süxənrani

Случайное стихотворение

Стихи других поэтов