Nöqsanlar arasında
Tədris ili başlandı, xoş anlar arasında,Bir həftə sevinc gəzdi, insanlar arasında.
Məktəb yolu şumlandı, rüşvət ilə tumlandı,Başlandı yığım dövrü, "dehqan"lar arasında.
Üç, yəni otuz dollar, dörd – qırx, beş isə əlli,Fərq kursda olur bir də, dövranlar arasında.
Örtüklüyə min töhmət, paltarsıza beş qiymət,Qiymətsiz olub ismət, üryanlar arasında.
Başlarda ziya olsa, zülmətdə Vətən qalmaz,Məftil zəmidən yanmaz, şalbanlar arasında.
Ya qarnıvu çək saxla, ya pencəyi dart bağla,Bağlanmır otur ağla, nöqsanlar arasında.
İblisdən hələ dünya, azad ola bilmirsə,Azadlığı axtarma, meydanlar arasında.
Çox mətələbi xəlqiyçün, aşkar elədi Pünhan,Öz dərdi fəqət qaldı, pünhanlar arasında.
2 avqust, 2002
Kitabxana.az · https://kitabxana.az/ru/works/punhan-noqsanlar-arasinda
Клавиши ← → для перехода, R — случайное стихотворение
Другие произведения автора
El acından qırılır, dava miz üstündə gedir,Hərə, bir yana çəkir, yoxsul üz üstündə gedir.
Keçmişi üç nöqtə olub...Bü mücərrəd qurumun keçmişi üç nöqtə olub,Biri bir nöqtə olubsa, beşi üç nöqtə olub.
Gülsün bu yaltaq dişlərimBir zamanlar dağ çəkərdi zənciyə dağ dişlərimHəm günüm ağ idi onda, həm də ki ağ dişlərim.
Xırda-xırdaÇən bürüyür gülşəni xırda-xırda,Güllə atır erməni xırda-xırda.
Стихи других поэтов
Ey fələk, gündən artıq,Bu gözəlin cəmalı var,
Deyişmə: Səndən bir xəbər alım, a Xəstə Qasım— Ləzgi Əhməd:Səndən bir xəbər alım, a Xəstə Qasım,
İrvanən və şərurəBir qulaq ver mənə, ey sahibi-əqla və şüura,Gözün aç, seyr elə bu aləmi dəhra və dühura,
Müsəlsəl zülfdür çin-çin olub dilbər kənarındaMüsəlsəl zülfdür çin-çin olub dilbər kənarında,Və ya ənbər saçılmış yari-siminbər kənarında.