Çadırlara alışmayın
Cərgə-cərgə, düzüm-düzüm,Görüb qan ağlayır gözüm...Millətimə budur sözüm:Çadırlara alışmayın!
Nə gen-bolu, nə də darı,Nə qırışı, nə hamarı...Yığışdırın bu bazarı,Çadırlara alışmayın!
Vurun, deşin dolu kimi,Qırın tikan kolu kimi,Uzaqlaşan dəli kimi...Çadırlara alışmayın!
Əski-üskü dam-daşımız?!Burda xeyir-şər aşımız?!Qaraçı da yoldaşımız?!Çadırlara alışmayın!
Burda tapmayın rahatlıq,Bir dəqiqə, bir saatlıq,
Aman günü! El-elatlıq...Çadırlara alışmayın!
İmarətə tən olsa da,Pəncərəsi gen olsa da,Dövrəsi gülşən olsa da,Çadırlara alışmayın!
Tayfa deyil, millətik biz,Bir evik, bir külfətik biz,Saraylara şöhrətik bizÇadırlara alışmayın!
Burum-burum qalxır tüstü,Deməyiniz bu da bəsdi.Məst etməsin sizi isti,Çadırlara alışmayın!
Sən ey xalqım, ey diyarım,Ey cavanım, ixtiyarım,Ey didərgin balalarım,Çadırlara alışmayın!
Barışqanlıq cinayətdir,Lap bir anlıq - cinayətdir,Alışqanlıq - cinayətdir,Çadırlara alışmayın!
3 dekabr, 1993
Kitabxana.az · https://kitabxana.az/ru/works/qabil-cadirlara-alismayin
Клавиши ← → для перехода, R — случайное стихотворение
Другие произведения автора
Стихи других поэтов
Edər hər qəmzədən məqtul yüz canı qara gözlər,Salıbdır mərdüm içrə gör nə qovğanı qara gözlər.
KorO, giləsiz gözlərində qorxu, təlaşDöyəcləyir ağacını qır səkiyə.
BayatılarDüz dağlar, əyri dağlar,Düzəlməz əyri dağlar,
Şahpalut"Şahpalut" necə xoşca yaraşır aş üstə,Odə çox xoş yazasan göndərrəm baş üstə