Neynirik
Açılhaaçılda tumurcuq arzu,Yetirhayetirdə zəmilər ruzi,Otdan bəsdi deyin doymamış quzuÇiçək üstə yağan qarı neynirik?
Səmalar təşnəsi qanad var – uçmaz,Çevik ayaqlar var – tərpənməz, qaçmaz.Qapı var, ürək var bir kimsə açmaz,Soyuqqanlı dostu-yarı neynirik?
Gəzdi küçələrdə pələng noxtalıFəndgirlik çoxalıb hiylə artalı,Heysiz görən zaman qoca qartalıÜstünə şığıyan sarı neynirik?
Rəis var, müdir var şahdılar – tacsız,Bir gün ötüşməzlər nəşəsiz, bacsız,Oğlan var birçəkli, qız da var saçsız,Deyirlər: “isməti-arı neynirik?”
Bəzən “qalxmağa” da yox özgə çara –Yerlin yedəkləyib gərək apara...Lənət xanlıqlardan qalan azara –Sağalmaz bu dərdi-çoru neynirik?
Əşya hərisləri şərəfi atıb,Bufetçi tünd çayı konyaka qatıb,Şəkəri bal deyə əridib satıb,De belə bazarı, barı neynirik?
Məxfi milyonçu var hər işi sehir:“Qoysalar təyyarə alaram...” – deyir.Alimə, şairə rişxənd eləyir –Qızıldan püflənmiş şarı neynirik?
Elin sərvətini ha gözlə, qoru,Artır göbələktək mövqeli oğru.İşləyib ac qalsa bir nəfər doğru –Dünyanı dolduran varı neynirik?!
Kitabxana.az · https://kitabxana.az/ru/works/qasim-qasimzade-neynirik
Клавиши ← → для перехода, R — случайное стихотворение
Другие произведения автора
Стихи других поэтов
Eşq odına düşdüm, çəkdim cəfalar,Dünyada səfasız nə yaman olur,
Azərbaycan süruduEy torpağı ləlü mərcan, Azərbaycan, Azərbaycan,Mən verərəm uğrunda can, Azərbaycan, Azərbaycan!
Azərbaycanım, yaşa!Yaşa, yaşa, Azərbaycanım, yaşa,Sənsən mənim dinü imanım, yaşa!
Muxəmməs (Nəsimiyə nəzirə)Sənə ey sərvi-səmənbər dedilər gerçəkmişLəbinə qəndi-mükərrər dedilər gerçəkmiş