Qırx min qancıl yola düşdü yaraqla,
Çapqınçılıq döyüş deyil, oyundur.
Parselə yox, Manayyura yol aldı,
Çapqınçılıq döyüş deyil, oyundur.

Ancaq Ander aldadırdı hamını,
Gizlədirdi döyəcəyi qapını,
Manayyurda çapmaqdaydı atını,
Çapqınçılıq döyüş deyil, oyundur.

İstəyirdi çapıb, yığıb gətirsin,
İstəyirdi üzdə izi itirsin,
Bolluq yerdən bollu var-mal götürsün,
Çapqınçılıq döyüş deyil, oyundur.
Bircə bölük yola saldı Parselə,
Yüz bölüksə Manayyurda, Duzgölə,
Düşünürdü Nuhçatana güc gələr,
Çapqınçılıq döyüş deyil, oyundur.

Dəmirqızsa tutdu gecə çox yeri,
Duzgöl üstdə yaxaladı Anderı,
Dedi: – Ander, toplumunu çək geri,
Çapqınçılıq döyüş deyil, qırğındır.

Ander bu an ondan yürük dəbərir,
Toplum çıxır iki yandan irəli,
Çayı keçir neçə iki təkərli,
Minellilər basıq düşür ötəri,
Çapqınçılıq döyüş deyil, qırğındır.

Dəmirqızsa gücü sağa döndərir,
Deyir: – Tunqər mənə yazı göndərib,
İstəyibsən aldadasan öndəri,
Yanlış yolla gəlibsənsə, gəl bəri,
Çapqınçılıq döyüş deyil, qırğındır.

– Döyüşmərəm sənin kimi qoduqla,
Nələr deyir üzündəki çapıqlar,
– Mən bilirəm nəyə gəlib yazıqlar,
Gözü aclar, ağzı, burnu yırtıqlar
Onu-bunu soyub qaçan qırıqlar,
Ac-yalavac, pal-paltarı, cırıqlar,
Çapqınçılıq döyüş deyil qırğındır.

– Get, ərini göndər gəlsin döyüşə,
Onda bir az bu üzləşmə dəyişər,
– Mənim ərim Tunqər, Alpər ayrıdır,
O,döyüşdə basılmayan tanrıdır,
– Gəlsə o da vuruşmağı öyrəşər,
Mənimkilər baxar, gülər, gərnəşər.
Dəmirqızın çıxdı qından qılıncı,
Ander şahın qaldı sözü yarımçıq,
Çapqınçılıq döyüş deyil qırğındır.
Vuruşdular, cingildədi yaraqlar,
Nəriltidən, səsdən batdı qulaqlar,
Danqıldadı, şapbıldadı tutaqlar,
Al boyaya döndü qanlı yanaqlar,
Kişnərtidən, səsdən qorxdu uzaqlar,
Çapqınçılıq döyüş deyil qırğındır.


Üç gün vuruş Ander şahı mələtdi,
Dözümlüdür, sanki qadın kişidən,
Ander şahın vuran qolu keyəldi,
Dözümlüdür sanki qadın kişidən.

Çoxu düşdü aclığından bayıldı,
Çox yaralı öldü bir də ayıldı,
Açıqanın sısqalığı duyuldu,
Basarlığın dib daşları qoyuldu,
Dözümlüdür qadın sanki kişidən.

Bu vuruşu üç gün sonra bildilər,
Balasqelli, minellilər gəldilər,
Vuruşdular, Ander şahla, öldülər,
Öclərini gözlərindən sildilər,
Basarlığı Dəmirqızla böldülər,
Dözümlüdür qadın sanki kişidən.

Ander yenə əzgin çıxdı irəli,
Dedi: – Verin Balesqelə hələlik,
Əkbitəni, Manayyurdu, Parseli,
Tanrı özü biz deyəni düz bölüb,
Dözümlüdür qadın sanki kişidən.

Elə onda dağ-daş, yer-göy titrədi,
Yaraqlılar, atlar, ərlər büdrədi,
Tunqər gəldi, Mindiyarın öndəri,
Dözümlüdür sanki qadın kişidən.

Başladılar qanlı, qancıl savaşa,
Tanrı gücü gəldi birdən Balaşqa,
Yardı, qırdı Eldəbirlə o, qoşa,
Yer qalmadı daha bir də barışa,
Dözümlüdür sanki qadın kişidən.

Keçdi Tunqər Ander şahın yanından,
Topbuz dəydi Ander şahın boynundan,
Sonra dəydi iti qılınc alnından,
Qan fışqırdı onun ağız-burnundan,
Dözümlüdür sanki qadın kişidən.

O yandan da qırıb tökdü Eldəbir,
Döndü ölüm tanrısına elə bil,
“Sağ ol”dedi bacısına hərdən bir,
Dözümlüdür sanki qadın kişidən.


Ander şahı götürdülər basıqlar,
Ötgəm dilli ötgəm gücə basılar.
Çökdü yerə Manayyurda çatmamış,
Ötgəm dilli ötgəm ərə basılar.

Tunqər dedi: – Qoy götürüb getsinlər,
Sürün-sürün göz önümdən itsinlər,
Basıqlığı gözlərinə dürtsünlər,
Ötgəm dilli ötgəm ərə basılar.

Dəmirqızı gətirdilər yaralı,
Əyni-başı, əli-qolu qaralıb,
Qan itirib, gültək solub, saralıb,
Ötgəm dilli ötgəm ərə basılar.

Daryaş qaçdı Parsdiyardan Hindelə,
O, Hindeldə olub, qalıb çox belə,
Gedib ordan güc gətirsın Parselə,
Ötgəm dilli ötgəm ərə basılar.

O bilirdi sınıb, köçüb minbaşı,
Tunqlaşıbdır onun Kumar yoldaşı,
Kimdir bir də tumarlaya Daryaşı,
Ötgəm dilli ötgəm ərə basılar.
Çox deyinmə dolanışın dalınca,
Dolanışın iki üzü olmayır.
O bir gözlə baxır elə hamıya,
Dolanışın iki üzü olmayır.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов