Uğurlu yoldayam mən
Sürətlə getməsəm də, yenə də yoldayam mən,Yerimdə saysam əgər, mənə nə deyər vətən.Desin görək bu yolda kim məni yorğun görüb?Ömrüm bahar, yaz görüb, qar görüb, çovğun görüb.
Vətənimin adından, millətimin adından,dövlətimin adındanYaşıl gözlüklülərin gözlərini ovduğum,Yaşıl qələmliləri gülşənlərdən qovduğumÇıxmayıbdır yadımdan,Çıxmayacaq heç zaman.Qırmızı gözlüyümlə baxıb nələr görürəm,Nə səhnələr görürəm.Tapdıqca fürsət yenəTəəssüf, min təəssüf, məslək düşmənlərinəTamam güzəştə getmək fikrinə düşən olur,İşlənən günahların üstündən keçən olur.Əvvəldən yolsuzları görən gözüm olmayıb,Millətimin yanında yalan sözüm olmayıb,Durmamışam kənarda dar gündə, bərk ayaqda,Görürəm ki, yenə də tək-tək küncdə, bucaqda.Yalan başdan dilində əzbər edib millətiYa açıq, ya xəlvətiMəndən doğru sözümün heyfini alan da var,Günəşli gündüzümün heyfini alan da var.Bəli, fürsət tapanda,
Ağacdan ata minib sola, sağa çatanda,Yüz qızıl kitabımın heyfini alan da var.Bir para adamların orta istedadınıKefi istəyən kimi şişirdib yazan da var.Şərəfli yollar keçən ustadların adınıQələminin ucuyla, gizlində pozan da var.Paslı ürəklərdəki,Yaslı ürəklərdəkiBizə qarşı nifrəti,Qəzəbi, küdurətiBu gülşəndə qoymuram zərrəcə kök atmağa,Bir tabuta yükləyib basdırıram torpağa.Bir yerdə saymaqla heç əzəldən yoxdur aram,Yenə də yollardayam, yenə də yollardayam.
Kitabxana.az · https://kitabxana.az/ru/works/suleyman-rustem-ugurlu-yoldayam-men
Клавиши ← → для перехода, R — случайное стихотворение
Другие произведения автора
Salmasa cananın hicrana canan, yaxşıdır,Saxlasa öz eşqini qəlbində pünhanı, yaxşıdır.
Kimə tapşırıb gəldin?!Musa Yaquba*Qələm dostum, dağları kimə tapşırıb gəldin,
Qar yağır noğul-noğulBudur səhərdən bəri,Qar yağıb örtür yeri.
SığırçınlarŞimaldan dəstə-dəstə uçub gəlir Bakıya,Soyuqlara dözümsüz quşlar, sevimli quşlar.
Стихи других поэтов · О родине
Xoş ol zaman ki, xalq yatıb bizəban idi,Bəzmim pilov, çay ilə rəşki-cinan idi,
UnutmaAşıq, gəşt eləyib ağır elləri,El içində namus, arı unutma.
AğlayıbdırSəhərdən vardım köyünəGördüm yarım ağlayıbdır
Ona inanQurtuluş Kamala inanla olur,Hökumət seçilmiş bakanla olur,