Bavəfa olmaqdan isə bivəfalıq yaxşıdır,Baədalıqdan nə ləzzət, biədalıq yaxşıdır.

Hakimiyyət rütbəsini sanma İran şahi tək,İstəmə alilik, əlbəttə, gədalıq yaxşıdır.

Surəti-zahirdə xalqa ol şəriət hakimi,Batinən salusü təzvirü riyalıq yaxşıdır.

Ölsə də millət acından, məncə, pamal olsa da,Bir qəpik sərf etmə əsla, kəmsəxalıq yaxşıdır.

Varsa ağlın, gözləmə namusü arü qeyrəti,Faidə yoxdur həyadan, bihəyalıq yaxşıdır.

Saxla yadında, əzizim, yar ilə biganə ol,Qeyri millətlərlə etmək aşinalıq yaxşıdır.

Qoyma, sansınlar səni ayineyi-aləmnüma,Olma düz, cəhd eylə, kəc ol, kəcnümalıq yaxşıdır.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О родине