Arpaçayı aşdı daşdı,Sel Saranı götürdü qaçdı,Sara gözəl qələm qaşdı,Apardı sellər Saranı,Bir ala gözlü balanı

Yüz atlıydıq çıxdıq düzə,Bıçaq batsın yaman gözə,Sağrı başmaq suda yüzə,Apardı sellər Saranı,Bir ala gözlü balanı

Arpaçayı dərin olmaz,Axan sular sərin olmaz,Sara kimi gəlin olmaz,Apardı sellər Saranı,Bir ala gözlü balanı

Arpaçayı məni aldı,Apardı dəryaya saldı,Cilovdarım dalda qaldı,Apardı sellər Saranı,Bir ala gözlü balanı

Mən bu bağa girməmişəm,Qönçə gülün dərməmişəm,Mən Saranı görməmişəm,Apardı sellər Saranı,Bir ala gözlü balanı

Olduq əcəb günü qara,Dərdimizə yoxdu çarə,Sara həsrət qaldı yarə,Apardı sellər Saranı,Bir ala gözlü balanı

Qaldı bu sinəmdə dağın,Öldürdü məni firaqın,Oldu qara toy otağın,Apardı sellər Saranı,Bir ala gözlü balanı

Adaxlın gözlər yolunu,Boynuna salsın qolunu,Su aldı sağ-u solunu,Apardı sellər Saranı,Bir ala gözlü balanı

Düyünü tökdüm qazana,Qaynadı qaldı azana,Əlac yox Allah yazana,Apardı sellər Saranı,Bir ala gözlü balanı

Arpaçayı ada gəlir,Gör yengələr dada gəlir,Sağrı başmaq suda gəlir,Apardı sellər Saranı,Bir ala gözlü balanı

Gedək deyək Xan Çobana,Gəlməsin bu il Muğana,Muğan batıb nahaq qana,Apardı sellər Saranı,Bir ala gözlü balanı

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов