Səadət nəğməkarı
Mikayıl Müşfiqə
İlhamı dövrandan, odu günəşdən,Sürəti şimşəkdən alan şairim!Rübabında məhəbbətin, ülfətin,Elin havasını çalan şairim!İncilər axtaran, incilər tapan,Dərin dəryalara dalan şairim!Qəlbi ehtiraslı, təbi Arazlı,Əbədi dünyada qalan şairim!Yaratdın, aləmə səs saldı adın,Ucaldın şərəflə, şanla yaşadın!
Çoxları ad aldı, yazdı, yaratdı,Sənətin gözünün nuru sən oldun!Həyatı ləkəsiz, ürəyi təmiz,Eşqi bulaqlardan duru sən oldun!Muğamlar oxuyan gül dodaqların“Segah”ı, “Qatar”ı, “Şur”u sən oldun!Neçə sənətkarın coşdu ilhamı,Onların coşqunu, guru sən oldun!Cənnətə döndükcə Milin, Muğanın,Təlatümə gəldin, qaynadı qanın!
Nə dincini aldın, nə də yoruldun,Vaxta sığışmadın, röya bilmədin.Xəyalın yelkənli, fikrin qanadlı,Qələmi əlindən qoya bilmədin.“Ah, sən gündən-günə bu gözəlləşənİşıqlı dünyadan” doya bilmədin.Hər nə yazmısansa o həqiqətdi,Şeirində yalançı boya bilmədin.
Axıtdın incitək alın tərini!Göstərdin bəşərə öz hünərini!
Təbi dərya kimi coşan sənətkar,Dünyaya sığmadı hünərin sənin.Yer oldun, göy oldun, Kainat oldun,Günəşdən rəng aldı səhərin sənin.Sənət meydanında cövlan eylədin,Bir an büdrəmədi kəhərin sənin.Ürəkdən ürəyə axdı, yaşadı“Sındırılan saz”ın, “Səhər”in sənin.Aldın vüqarını işdən, əməkdən,Doymadın dünyanı seyr eyləməkdən!
Bakımın, Gəncəmin canlı sənəti,Oxu, tar! Oxu, tar! Oxu, tar! – dedin.Səsindən ən lətif sözlər dinləyim,Səni kim bircə an unudar, – dedin.Çıxsın birdəfəlik söz meydanından,Qəlbi məhəbbətsiz, fikri dar, – dedin.Həyatda həm sevdin, həm də sevildin,Soyumaz atəşim, odum var, – dedin.Çaxdın şimşək kimi, axdın su kimi,Açıldın ellərin arzusu kimi.
Ölməzlik qazandın qüdrətinlə sən,Qəmlərin yükünü çiynindən atdın.Güc aldın həyatın yüksəlişindən,Saf əməl uğrunda qan-tərə batdın.Yarışa çağırdın qəhrəmanları,Səadət naminə dastan yaratdın.Yazdın azadlığın nəğmələrini,Səsini ellərin səsinə qatdın!Şairim! Bu günsən, xoş gələcəksən!Hələ yüksələcək, yüksələcəksən!1968, 16-19 may
Kitabxana.az · https://kitabxana.az/ru/works/zelimxan-yaqub-seadet-negmekari
Клавиши ← → для перехода, R — случайное стихотворение
Другие произведения автора
(Ey möminlərl1) Əgər siz ona (Peyğəmbərə) köməketməsəniz, Allah ona kömək göstərmiş olar. Necə ki, kafirlər
Camalında qəm pərdəsiVallahi, ey Məhəmməd ümməti, mənim bildiklərimisizlər də bilsəydiniz, çox ağlar, az gülərdiniz.
Mədinəyə yar gəlib... dayan, ağ dəvə, dayan!Mədinəyə hicrət edəcəyini Həzrəti Cəbrayıl hələmerac gecəsində Peyğəmbərimizə xəbər vermişdi.
Bədr savaşıAllahıml Mənə verdiyin vədi yerinə yetir. AllahımlBu bir parça müsəlman mücahid həlak olarsa, artıq
Стихи других поэтов
Tutub yolun hər insan – öz istiqamətində,Həris dolayı, məzlum – düz istiqamətində.
Kamala yetəkGəl ana torpağım! Gəl məni dinlə,Mən sənin qəlbindən qopan bir səsəm.
Xatiri-şadin şəha, azərdeyi-ğəm bolmasunXatiri-şadin şəha, azərdeyi-ğəm bolmasun,Ağlamağdin gülşəni hüsnünə şəbnəm bolmasun.
Gəraylı: Ala gözlü nazlı dilbərAla gözlü nazlı dilbər,Vaxtın keçər demədimmi,