Ayaq səsləri
Yadımdadır, hər axşam, nurlu günəş batandaMənim uşaq qəlbimin öz günəşi doğardı.Ayağının səsləri qulağıma çatandaSevincim nə yerlərə, nə göylərə sığardı.
Ah, sənsiz keçirərkən günümü küçələrdəGözlərim zaman-zaman gəzər, səni arardı,Ah, gözüm görməsəydi, könlüm düşərdi dərdə,Çünki kiçik qəlbimin böyük aləmi vardı.
Yadımdadır, hər səhər qapını örtüb yavaş,Taleyə tapşırardın mənimlə evimizi.Qayıdardın yanıma, bir də qaralanda qaş,Deyərdin: – tək yaratmış oğul, yaradan bizi.
Təzə geyim görmədi, ayağım da, başım da,Sən uda bilməyirdin bu qüssəni, bu dərdi.Səni hər axşam çağı görən kimi qarşımda,Əynim çılpaq olsa da, ürəyim bəzənərdi.
Gecələri ən əziz, şirin qənimət kimiSəninlə bir keçirər, danışardım dinərdim,Orda mən zəhəri də içərdim şərbət kimi,Çünki sənin qoynunda sübhədək isinərdim.
Yadımdadır bir axşam səni yenə gözlədim,Hər keçəni anamdır deyə xeyli izlədim,Yol üstə çox dayandım, amma daha gəlmədin,Ümidimi bağladım lap sabaha, gəlmədin.
Qayıtmadın bir daha evimizə sarı sən,Məni öz ağuşunda isidəydin barı sən,Zaman keçdi, il ötdü sən məni tək qoyalı...Aradım, gəzdim səni ürəyimdə ağrılar.
Mənim üzümə güldü həyatımın iqbalı,Səninsə məzarına yağdı qalaq-qalaq qar.İndi budur gecədir, anıram keçənləri,Nə səs var, nə səmir var kiçik aşıyanımda.Sən məni tərk edəni yalqız qoyandan bəri,Səni hər zaman, anam, hiss edirəm yanımda!
Kitabxana.az · https://kitabxana.az/ru/works/zeynal-cabbarzade-ayaq-sesleri
Клавиши ← → для перехода, R — случайное стихотворение
Другие произведения автора
Стихи других поэтов
آتش چرا به خرمن پروانه میزند
YükümEşqidən kamil olan, xeyli iqbaldı yüküm.Dürlü qumaş cəm etmişəm, yaşıldı, aldı yüküm.
Ey dil, həzar şükr, xəbər gəldi yardənEy dil, həzar şükr, xəbər gəldi yardən,Şükr et, qutardın axırı bu intizardən.
AğacdandırSazım, gəl mənimlə danış,Sənin əslin ağacdandır.