Çevirib yönümü haqq dərgahına,Çağırıram bəlkə, gələydi baxdım.Kecə günahımdan kərəm sahibi,Mənim də üzümə güləydi baxdım.

Ürəyim istəyir halalı, pakı,Şeytanı qəlbimdən qovaydım hakı,Rəbbimə duadır dodağımdakı,Qanlı göz yaşımı biləydi baxtım.

Könlünə nə dəyib, inciyib belə,Bəlkə, uyubdu o, fitnəyə-felə?Ağ Aşıq, göz yaşın dönübdü selə,Nola, əhvalımı biləydi baxtım.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · İlahi eşq