Sevdiyim şamama bəslər,Dolanar tağ arasında.Xəstə düşsəm, könlüm istər,Bir cüt nar, bağ arasında.

Canım eşq oduna yandı,Sinən nazbalış, yorğandı,Tüstüm asmana dayandı,Bir qarlı dağ arasında.

Qulaç zülfünü hörsünlər,Tovuztək bəzək versinlər,Qoy Qurbanı öldürsünlərSinənin ağ arasında.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq