Məcnunun məskəni səri-kuy olar,Səcdəgaha sən divana gətirmə.Əhdə vəfalıyam, peymana mərdəm,Min bəhanə qaibana gətirmə.

Əl götürməz gözüm gözlə savaşdan,Geyin əndamına aldan, qumaşdan.Bir seyrə çıx laləzarı o başdan,Pünhan gəzib, məni cana gətirmə.

Tənə gəlməz pərvanəyə yanmaqdan,Al canımı, qurtar məni dannaqdan.Sədaqətdə Alı çıxıb sınaqdan,Əbəs yerə imtahana gətirmə.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri