Tala-tala ağ buludlar,Karvan bağla, Löyə yeri.Sən ağlama, mən ağlaram,Ağı deyə-deyə yeri.

Acçınqıla çatar ağla,Düzül qatar-qatar ağla.Oyanmaz, yar yatar ağla,Ahım qalxdı göyə, yeri.

Çox ağlar, Bəsti qəribdi,Fələkdən zülüm görübdü,Meylini saza veribdi,Bir də qəmli neyə, yeri.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hikmət və nəsihət