Gəlir
Tarıma çəkilmiş simə bənzə sən!Titrə bir yarpağın titrəməsindən.Bil, dənizdə coşan suyun səsindənXəzri gəlir, yoxsa, gilavar gəlir.Bir az sıxlaşanda göydə buludlar,Yavaşca titrəşir yerdə göy otlar.Onlar da bilir ki, havada çən var,Sabah yağış gəlir, sabah qar gəlir.Müyəssər deyildir hər kəsə ancaqÜrəkdən keçəni gözdən oxumaq.Qaranquşdan qabaq, torpaqdan qabaqGərək biləsən ki, ilk bahar gəlir.Qəlbim götürməyir bəri-bəzəyiÇətindir yamamaq sınmış ürəyi.Özün dərk edəsən gərək hər şeyiSəni başa salmaq mənə ar gəlir.Baxışdan söz götür, söz anla sözdən,Həssas ol, sevgilim, ömrün boyu sən.Əgər sevirsənsə, ayaq səsimdənGərək biləsən ki, Bəxtiyar gəlir.
Kitabxana.az · https://kitabxana.az/works/bextiyar-vahabzade-gelir
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Təbiət və bahar
Mənimlə həmdəm bu gün bu gecə,Bir bülbülüm vardır, səndə varmı?
Gəraylı: Şükür olsun ol XudayaŞükür olsun ol Xudaya,Yenicə yazlar gələyir,
Ey gül, səni bilməm necə ustad çəkibdirEy gül, səni bilməm necə ustad çəkibdir,Nəqqaş-i əzəl sünin edib yad çəkibdir.
Ey səba, gəl bir xəbər ver cane, canan xandadırEy səba, gəl bir xəbər ver canə, canan xandadır?Şəhri-könlüm oldu viran, ona sultan xandadır?