Vay halına
Doğulduğun, böyüdüyün VətənindəHaqq tapdanıb, şər udulsa, vay halına!Səxavətin unudulsa, qəm eləmə,Ləyaqətin unudulsa, vay halına!
İmzası var yasda toyun, toyda yasın,Bu qütblər bir-birindən ayrılmasın.Sənə şorun bahalığı dərd olmasın,Yağın şorla bir tutulsa, vay halına!
Hər söhbətin hər məclisdə yeri deyil,Unutma ki, qocalırsan sən ilbəil.Yaşıdların sənə gülsə, zarafat bil,Balan yaşlı cavan gülsə, vay halına!
Həyatından gileylənib çox ağlama,Ötənləri yana-yana varaqlama.Arzuların ölməsinə yas saxlama,İnam ölsə, iman ölsə, vay halına!
Nöqsanını üzə deyən namərd deyil,Kirayədə yaşadığın ev, yurd deyil.Anan sənə ögey olsa, bir dərd deyil,Zaman sənə ögey olsa, vay halına!
Yanvar, 1989
Kitabxana.az · https://kitabxana.az/works/bextiyar-vahabzade-vay-halina
← → düymələri ilə keçid, R — təsadüfi şeir
Müəllifin digər əsərləri
Hər gecə danışır radio havadan:"Sabah az buludlu, biri gün yağış...
Babamdan qocayam mənBabam öldü səksənindəAtamsa altmışında.
Mənim ad günlərimBu gün ad günümdür... evdə hamı şən.Ancaq fikirliyəm, kədərliyəm mən.
QorxuMənim sol əlimdə yanıq yeri var,O, mənə töhfədir körpəliyimdən.