Olu yarəb ki, düşə daməni-canan əlimə,
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir. Son beyt məqtədir: şair orada öz təxəllüsünü çəkir.
Olu yarəb ki, düşə daməni-canan əlimə,Düşsə, billah ki, düşər çətri-Süleyman əlimə.
Çalaram daşə külüngü belə şirin-şirin,Cami-eşqi verə gər Xosrovi-xuban əlimə.
Edərəm daireyi-Misri gühərdən ləbriz,Düşsə gər lə’li-ləbi-Yusifi–Kən’an əlimə.
Tövsəni-təb’i–səbaseyri doyunca çaparam,Tuta bəxtim, gələ bir sahəti-meydan əlimə.
Qoşaram atı ilən atımı dil kəsməkdən,Əhd qıldım düşə gər rayici-dövran əlimə.
Saqi, dur, ver mənə bir gür’ə o qan olmuşdan,Çarə qıl dərdimə, ver bir tikə dərman əlimə.
Təngə gəldim, dəxi bir pəncə yetirrərm çərxə,Gələ gər qaimeyi-günbədi-dövran əlimə.
Ey Züleyxa, məni çox etmə cəfa tapdaği,Belə qalmaz, gəli bir guşeyi-zindan əlimə.
Künci-ixfadə əgər rəxti-iqamət salsam,Verməz əl onda dəxi Rüstəmi-dastan əlimə.
Odumu qurdalama, ey dili kəc əbrani,Yaxşı rəng çəkdi mənim çaki-giriban əlimə.
Həq bilir kim, edərəm mövci-fəna ğərqabı,Düşsə gər dideyi-tər ləcceyi – ümman əlimə.
Çəkərəm xəncəri-əlmas, özümü öldürrəm,İgid ölmüş, yola gəl, yaxma mənim qan əlimə.
Gedərəm dadə əlindən sənin, ey düşməni-can,Düşsə gər barigəhi-şahi-Xorasan əlimə.
Görüm, ey eşq, səni görməyəsən hiç məlal,Tari bilsin ki, gəlib küfrdə iyman əlimə.
Dəm çəkib, guşədə xamuş oturmum, neylim?Bixəbər, gör ki, düşüb gövhəri-Qur’an əlimə.
Rudi-Nilə necə qərq eyləmərəm Fir’onuKi, gəlib mö’cizeyi-Musiyi-Imran əlimə.
Hu çəkib, mərqədi-Məcnunə yetirrəm peyğam,Gələ gər dəmdəmeyi-tərfi–biyaban əlimə.
Etmişəm canı nisar etməyə hazır yarə,Nola birdən gələ bu müjdeyi-fərman əlimə.
Məqtə — şairin təxəllüsü olan son beyt. Xançobani genə lal oldu, qələm açdı zəban,Dur, Nəbati ki, gəlib mürği-süxəndan əlimə.
Kitabxana.az · https://kitabxana.az/works/ebulqasim-nebati-olu-yareb-ki-duse-dameni-canan-elime
← → düymələri ilə keçid, R — təsadüfi şeir
Müəllifin digər əsərləri
Ol zaman mən edərəm zövq ilə bu candan həzzKi, yetib vəslə, edəm söhbəti-canandan həzz.
Eylə məstəm bilməzəm kim, mey nədir, mina nədirEylə məstəm bilməzəm kim, mey nədir, mina nədir!Gül nədir, bülbül nədir, sünbül nədir, səhra nədir!
Gəldi bir şux yenə yanıma göyçək-göyçəkGəldi bir şux yene yanrnıa göyçək-göyçək,Vurdu bir tiği-cefa canıma göyçek-göyçək.
Cumdum genə qəvvas tək dəryayə, mən, dəryayə mənCumdum genə qəwas tək dəryayə, mən, dəryayə mən,Qı dım nəzər bir lölöyi-laləye mən, laləyə mən.
Başqa şairlərin şeirləri · Eşq
Sərsəri pərişlüm, qıyqac baxışlumMən sənə nə dedim, qız, qayıt indi
Qəzəl: Könül ixlas tutmaq bivəfa cananə müşküldürKönül ixlas tutmaq bivəfa cananə müşküldür,Həqiqət bilməyəndən dağ çəkmək cana müşküldür
Gəraylı: Haçanacan aman çəkimHaçanacan aman çəkim,Bu zalım hicran əlindən,
Təcnis: Çəkmiş yar oxunu, salmış yayınaÇəkmiş yar oxunu, salmış yayına,Bağlamış belinə bu sədaqları.