Əla, ey münisi-dirinə, qazı,Yetibdir sən, kər, sittinə, qazı.

Keçirdik iki cümə günlərini,Tutubsan bizim ilən kinə, qazı.

Oxudarım, bilərsənmi görəndə,Sənə vəl-fəcrini tərsinə, qazı.

Sanırsız, çinə yoxdur çün bu yerdə,Gəzər quş qanda olsa çinə, qazı.

Məgər heç çıxmıyorsuz bistər üstə,Girib sizin hücrənin gəncinə, qazı.

Sizin üçün qazılıqdan qalmayıb nəf',Tikibsiz göz məgər kəbinə, qazı.

Yavaş-yavaş edərsiz dəst-dirazi,İşitdim ki, şahın gəncinə, qazı.

Bu hədyanı eşitsə, Molla Şənbə,Qulaq as, onda gəl təhsinə, qazı.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri