Demə ki, yarpaqlar döndü xəzələ,Demə gül-çiçəklər tamam yanıbdır, –Torpaq da istəyir hərdən bəzənə,Yox, bütün təbiət xınalanıbdır.

Səhər dan yerinə çəkildi xına,Axşam qürub yeri oldu xınalı.Yamaclar büründü qəfil yanğınaXına atəşinə düşüb yanalı.

Ağacın çətrinə gülab çiləndi,Xınalı yarpaqlar dinar-dinardı.O, toy xınasını yaxmış gəlindi,Yoxsa yarpaqları qızıl Çinardı?!

Payız bu boyanı işlədir yalnız,Xına çox yaraşır onun hüsnünə:Mən fəsil demirəm sənə, ay payız,Xına alverçisi deyirəm sənə!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar