Doğru idik, yalan olduq,Yalan vədə ucbatından.Zağ-zağ əsdi ürəyimiz,Qorxu, hədə ucbatından.

Nökər oldu bəy adımız,Acı daddı həyatımız.İtib-batdı soy adımız,«ov»nan, «zadə» ucbatından.

Fələk – tale yaza-yaza,Zəhər qatdı aşımıza.Söz batmadı başımıza,Yüngül zədə ucbatından.

Yaşadıqca biz yorulduq,Yanıb-yanıb lap kül olduq.Yoxsul idik, yoxsul olduq,Yoxsul dədə ucbatından.

Ta bizə olan olubdu,Güllü baxçalar solubdu.Millət pis günə qalıbdı,Beş-on gəda ucbatından.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri