Deyiləm
Oğlum Orxan Fikrətoğluna
Göydən Yerə baxılsa, mənKövrək samanca deyiləm.Gümanın ağ haləsiyəm,Hətta gümanca deyiləm.
Əzab torpağı – Yerdəyəm,Ürəyi pərdə-pərdəyəm.Mən kamançanın dərdiyəm,Dərdli kamança deyiləm.
Sözdü mənim son möcüzəm,Özüm də bir kəlmə sözəm.Parça buludca acizəm,Xəfif dumanca deyiləm.
Taleyim bir acı töhfə,Yaralandım neçə dəfə.Güllə-günlərə hədəfəm,Dolu tapança deyiləm.
Bir kimsəm yox çata dada,Yerdə hamı – Yerli adam.Mən qəribəm bu dünyada,Mən bu zamanca deyiləm.
Oktyabr, 1996
Kitabxana.az · https://kitabxana.az/works/fikret-sadiq-deyilem-2
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Ey canım cəlladı, ömrüm yağısı,Məgər səndə zalım din iman yoxdur,
DərdimiAllahı sevərsən a Loğman həkimVarım deyim dağa daşa dərdimi
Təcnis: Tanrı üçün əlac elə dərdiməTanrı üçün əlac elə dərdimə,Səndən ötrü mən ha düşdüm yüz dərdə.
Bir beləƏbəs-əbəs çəkmə zəhmet sevdiyim,Verme ziynət xəttü xalə bir belə.