Və lakin
Bu dünyada sevinc də var,Və lakin – kədərlə birgə.Səadət – bağrı badaşdı,Qəzavü-qədərlə birgə.
Bu dünyada qızılgül var,Və lakin – tikanla birgə.Bülbül aşıq timsalıdı,Köksündəki qanla birgə.
Aydın səma, göy üzü var,Və lakin – dumanla birgə.Ümid dolu ürək də var,Nigaran – gumanla birgə.
Bir də övlad fərəhi var,Və lakin – dərdiylə birgə.Hələ biçilməmiş – zəmi,Dolu yağan göylə birgə.
Həyat da var dadlı, şirin,Və lakin – ölümlə birgə.Çox acı sözlərim də var,Çox şirin dilimlə birgə.
Bu dünya bütövdür – guya,Və lakin – kəsirlə birgə.Kor-koranə ömür sürür,İnsan min bir sirlə birgə.
Tarix qələmlə yazılıb,Və lakin – qılıncla birgə.Dua, alqış ərşə dirək,Qarğışla, qaxıncla birgə.
Quru, torpaq adalar var,Və lakin – dənizlə birgə.Tərpənmir, amma fırlanır,Dünya – bəndənizlə birgə.
Azadlığa da çıxmışıq,Və lakin – izinlə birgə.Sən azadsan – azad olsanÖzünlə, sözünlə birgə.
Fevral, 2007
Kitabxana.az · https://kitabxana.az/works/fikret-sadiq-ve-lakin
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Səni xuda yaradıb, dilbəra, deyib-güləsən,Nəinki sallayasan qaşqabağuvi belə sən!
Qara qorxuEy Ağa İbrahim, aya dərdmənd,Yüz fitnə bilən, yüz əlli min fənd
Tiflis facıəsiEy ağalar, tarixlərdə görən var,Çox olubdur qalmaqalı Tiflisin,
Şadəm, gəl, ey sənəm, məni eşqində qanə çəkŞadəm, gəl, ey sənəm, məni eşqində qanə çək,Gər bavər etməsən, sözümü imtahanə çək.