Şadəm, gəl, ey sənəm, məni eşqində qanə çək,Gər bavər etməsən, sözümü imtahanə çək.

Şəm'i-rüxundən ayrılığım etdi kül məni,Pərvanə tək özün tərəfə yanə-yanə çək.

Şayəd ki, bir də arizinə düşməyə gözüm,Yüzdən o qara zülfünü, gəl, bircə yanə çək.

Ol səngidil nigarə məgər eyləyə əsərKönlümdən, ey şərareyi-ahım, zəbanə çək.

Hicrin günündə, bəlkə mənə qəmküsar ola,Hər qədr var qəmin, bu dili-natəvanə çək.

Ollam həlak yadi-rüxünlə baxıb gülə,Ey yari-həmnişin, məni az gülsitanə çək.

Məqtə — şairin təxəllüsü olan son beyt. Etmək Bahar könlünü aşüftə istəsən,Naz ilə, gəl, o zülfi-pərişanə şanə çək.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq