Gər zülfün ilə beylə ola aşina gözün
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir. Son beyt məqtədir: şair orada öz təxəllüsünü çəkir.
Gər zülfün ilə beylə ola aşina gözün,Axırda başıma gətirər min bəla gözün.
Ey bivəfa, cəhanə gözün saldı fitnələr,Zülfün gərək edə, niyə eylər xəta gözün.
Könlümlə zülfünün var idi əvvəl ülfəti,Axırda eylədi anı da bivəfa gözün.
Məcruh sinədə yenə könlüm görünməyir,Billah, ya qaşın aparıb anı, ya gözün.
İmanım almamış eləməz qəsd qətlimə,Həm qanımı tökür, həm alır xunbəha gözün.
Zülfü xətin ümidimi səndən kəsər, vəliEylər arada özgə işarət mana gözün.
Eylər Məsih ləblərinə çox nəzər, məgərBimardır mənim kimi, istər dəva gözün?
Can verməyib nigahına müşkül deyil, vəliBir cana müşkül eyləyəcək iktifa gözün?
Məqtə — şairin təxəllüsü olan son beyt. Min rəngilə Baharı salıbdır bəlalərə,O ağ üzün, o al yanağın, ol qara gözün.
Kitabxana.az · https://kitabxana.az/works/bahar-sirvani-ger-zulfun-ile-beyle-ola-asina-gozun
← → düymələri ilə keçid, R — təsadüfi şeir
Müəllifin digər əsərləri
Şadəm, gəl, ey sənəm, məni eşqində qanə çək,Gər bavər etməsən, sözümü imtahanə çək.
Tutsam şərabı gər ləbinə tay, haramdırTutsam şərabı gər ləbinə tay, haramdır,Gər nöğrə söyləsəm təninə, hərfi-xamdır.
Yetməz tamamə zülfi-siyahın hekayətiYetməz tamamə zülfi-siyahın hekayəti,Bir qissədir uzun, onun yox nihayəti.
Zülfün kimi qaraldı könül dudi-ah iləZülfün kimi qaraldı könül dudi-ah ilə,Eşqində iddia edərəm bu güvah ilə.