Qəhbə fələk, bu gün bir iş işlədi,Məni yardan ayrı salacaq oldu,Mənimlə əhdü-peyman edən yarİndi tərki-sərim qılacaq oldu

Məndən incib gül yüzlü yarım,Heç bilmənəm könlün nə ilən alım,Ey ağalar, batsın mənim iqbalım,Yar yar ikən əğyar olacaq oldu

Məndən yüz döndərmiş yara bax yara,Gör məni salıbdır nə ruzigara,Gələn yox, gedən yox, kəsildi arə,Yarım dost kuyində qalacaq oldu

Yarın ayrılığı yandırır bizi,Sərasər bağrıma düzübdür gözi,Ey ağalar, kimə dim bu sözi,Vallah, bu dərd məni alacaq oldu

Mən çəkərəm işvə ilən nazını,Gəl gör canda artdı dərdi-əmrazın,Götür niqabın görüm yüzünü,Məqsud bu dərd ilən olacaq oldu

Təsadüfi şeir

Başqa şairlərin şeirləri · Eşq