Yerdəyişmə
Lap «Sazəndələr» kimi
İlin, günün bu çağında,Bir məmurun bağında,Altı adam əyləşmişdi,Dördkünc mizin –Dörd yanında.İkisi sağ tərəfdə,İkisi sol tərəfdə.Biri ayaqda,biri başda.Guya iş görəcəklərbu səs-küydə,bu dava-dalaşda.Amma, qoy deyim bəri başdan,Bu onu bəyənmədi,O bunu bəyənmədi.Bu onu əyəmmədi,O bunu əyəmmədi.Göz-gözə deyişdilər,Söz-sözə əyişdilər.Söyüşdülər,Döyüşdülər.Gördülər heç nə çıxmır,Yorulub, süst düşdülər.Bu ona qəzəblə baxdı,O buna nifrətlə baxdı.Altısı da bir yerdəBirdən-birə durdular.Əvvəl, əyləşdikləriYerləri dəyişdilər.Sağdakılar sola keçdi,Soldakılar sağa keçdi,Ayaqdakı başa keçdi,Başdakı ayağa keçdi.Bir müddət dinmədilər,Sükuta qərq oldular,Belə qaldılar.
Dinib danışmadılar,Elə bil ki, laldılar.Amma ki, altdan-altdanBu onun ayağından çəkə-çəkə,O bunun ayağından çəkə-çəkə.Yenə əl-ayağa düşdülər,Bir də yer dəyişdilər,Amma heç nə dəyişmədi.Əgər heç nə dəyişmirsəBu dəyiş-düyüş nədi?İş yerdə deyilmiş, ha,Adamların özündəymiş!Yerlər öz yerindədir,Sənin buna sözün nədir?Adamlar yerində deyil,Bütün aləm bilir bunu,Bunu Yer deyir, Göy deyir.
Kitabxana.az · https://kitabxana.az/works/fikret-sadiq-yerdeyisme
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Ey padşahım bir dur,Dərvişi fərəhnak et,
Günəş pərtövəfkənliyiGünəş pərtövəfkənliyiRuxi-zibadən öyrənmiş,
Zülfün kimi qaraldı könül dudi-ah iləZülfün kimi qaraldı könül dudi-ah ilə,Eşqində iddia edərəm bu güvah ilə.
Mənzumə: Gənə bilmirəm bu nə güftardırGənə bilmirəm bu nə güftardırNə rəsm ü nə ayin kirdardır