İstərdim oğlumun başında hər günSevinib, şadlanıb, gülənim olsun.Səhərdən axşama döyülsün qapım,Evimə yüz gedib-gələnim olsun.

Yanaşı dolanaq qolum qolunda,Oturam sağında, duram solunda,Enişli-yoxuşlu ömrün yolundaSevinci, kədəri bölənim olsun.

Bir xoş arzu kimi qaldı bu arzu,Beləymiş Hüseynə yazılan yazı,Gözəl vətənimin gözəl bir qızıİstərdim mənim də gəlinim olsun.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri