Göy çəməndə ötür turac,Sübh açılır, gülür yamac.Başındakı örpəyi aç,Saçlarını yan dara, qız,Ay qaşı, gözü qara qız!

Ay nurunu salır kəndəBiz eyvanda görüşəndə,Toyumuzdan söz düşəndəGəl naz eləmə yara, qız,Ay qaşı, gözü qara qız!

Bu gün məhsul bayramıdır,Gözəl payız axşamıdır,Deyib-gülmək əyyamıdır.Geyin-keçin al-xara, qız,Ay qaşı, gözü qara qız!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar