Arazüstə diyarımın,“Şərur” adlı elindəyəm.

Arpa çayı axıb keçir,Mən qayələr selindəyəm.

Naxçıvanın Şəruru var,Şərurun öz qüruru var.

Yağılara gərdi sinə,Hər qarışı keçilməzdi.

Əhsən dedi – Ağrı dağı,Şərur düşmənləri əzdi.

Naxçıvanın Şəruru var,Şərurun öz qüruru var.

Azərbaycan torpağının,Bərəkətli guşəsisən.

Şərqin polad qapısında,Azərimin gur səsisən.

Naxçıvanın Şəruru var,Şərurun öz qüruru var.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən