Sevincim, umudum
Şiblinin laləsində,Qızıl piyaləsində,Mənə su ver bir udum,Ay sevincim, umudum.
Qışın peşmək qarından,O saf, kövrək qarından,Gətir azalsın odum,Ay sevincim, umudum.
Qar altdan nərgiz gətir,Dağı-daşı gəz, gətir.Gülü nəğməyə tutum,Ay sevincim, umudum.
Şad xəbərçim olaydın,Arzusu çin olaydın.Həsrətdən dondum, dondum,Ay sevincim, umudum.
Görüşümüz nağıldı,Fikrim yenə dağıldı.Göz yaşımda yuyundumAy sevincim, umudum.
Sular ram ola bildi,Dincini ala bildi.Mən nə susdum, ovundum,Ay sevincim, umudum.
Vüsal ver, yandım, dedim,Vüsalı şərbət edim.Mən içim udum-udum,Ay sevincim, umudum.
Kitabxana.az · https://kitabxana.az/works/medine-gulgun-sevincim-umudum
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Hicran
Yar bizim ilə yenə gör ki, ne al eylədi,Ta ki, yaşım qan ola, yanağın al eylədi.
Təəccübdür ki, Məcnun qaldı zində Hicri-LeyladəTəəccübdür ki, Məcnun qaldı zində Hicri-Leyladə,Məgər ol vəqt hicranın yox imiş beylə təsiri?
Hürriyyət pərisinəSöndün nə çapıq, ruhuma qüvvət verən ey nur,Ümmidi-vüsalınla sənin mən yaşayırdım.
Vüsal həsrətiVüsal həsrətilə yanıram yenə,Yoxdur əzəl gündən hicranla aram: