Qarabağ düzü
Bu gün mənim dənizimdiQarabağ düzü,Kəhər atın tozanağı «Doqquzuncu bal».Bu gün mənim söz düzümdü –Qarabağ düzü.Sonsuzluğun son xəttini gəzirdi xəyal.Bu gün mənim çörəyimdiQarabağ düzü.
Hər əlimdə Kür çayındanbir bıçaq arxım,Yoğuracaq, yapacaqdım gecə-gündüzü.Sonra halal süfrələrə doğrayacaqdım.Bu gün mənim tariximdiQarabağ düzü.
Bu gün üfüq bir üzükdü – Nizami qaşdı.Geri fırlan, yer kürrəsi, zamandan küsübNüşabənin kəcavəsi təpədən aşdı...
Qədim Bərdə Tərtər üstənyüz körpü atdı,Xəyanətin adlaması böyük ar oldu.Hanı tarix cünglərinə yubanmış atlı? –Azərbaycan qadınındanhökmdar oldu!
Bu gün mənim bir düz kürsüm –Qarabağ düzü.Qanadımdı qız alqışı,qadın alqışı.Bu gün mənim bacım Gülsüm –Qarabağ düzü.
Doluxsunma, bir də gələr, şair qardaşın,Bu gün bizə quzu kəsdi Hüseyn qağa,Baxdım: sürü adaları göy düzdə üzür.Bir dostluğa, bir süfrəyə, bir eşqə sığan,Bir dənizdi yer üzünün Qarabağ düzü...
İyun, 1972
Kitabxana.az · https://kitabxana.az/works/memmed-araz-qarabag-duzu
← → düymələri ilə keçid, R — təsadüfi şeir
Müəllifin digər əsərləri
(Qızımın nəğmələri, Qızım Şəlaləyə)*Salam, salam, ay çiçəklər!
Bir ilƏli Kərimin xatirəsinə*Eh, dünən incəldi qəlbimiz
Vətən mənə oğul desəBuyruqlara sığışmayan inaddım,Çox qanadlar yorub salan qanaddım.
Aldada bilirəm özümü hərdənAldada bilirəm özümü hərdən,Özümə xoş gəlir bu qəbahətim.
Başqa şairlərin şeirləri · Vətən
Görən, bilən, eşidənlər yansınlar,Gör nə yaman oldu halı Gəncənin,
DurnalarUçursunuz alnı açıq, üzü ağ,Bağrım çatlar sizdən almasam soraq.
MərsiyəCavan öldün, dünyadan kam almadın,Çox çalışdın, zəhmətdən heç doymadın.
Dörd yüz on altıMənim yaddaşımdan silinməmişdirsoyuq qış gecəsi, o qarlı ruzgar.