Səndən ötrü tərk-i-vətən olmuşam,Ey bimürvət yar, qadasın aldığım,Sənin cəmalına mail olmuşam,İşim ah-ü-zar, qadasın aldığım

Səninlə belədir əhdü-peymanım,Yanıma gəlmədin, dinim, imanım,

Başım dizin üstə tapşırım canım,Qol boynuma sar, qadasın aldığım

Mənimlə oynıyıban gülmədin,Gözdən axan qanlı yaşım bilmədin,Sağlığımda yar yanıma gəlmədin,Qəbrim üstə var, qadasın aldığım

Məskin deyir vəfa görmədim səndə,Ağlım aldın, can qoymadın bədəndə,Can titrəşər qərar tutmaz bu təndə,Pirildayıb uçar, qadasın aldığım

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq